Սալորի մի քանի տեսակներ կան` կարմիր, դեղին, կապույտ, եւ այլն: Համեղ այս միրգը բուժիչ հատկանիշներով է օժտված: Սալորի հայրենիք է համարվում Կովկասը, Միջին Ասիան, Պարսկաստանը, Եգիպտոսը:
Սալորը օրգանիզմից հեռացնում է մաղձը` լեղին, եւ միզամուղ հատկություն ունի: Մեր օրգանիզմը մաքրում է, հեռացնում է ավելորդ ջուրը եւ աղը: Սալորը խորհուրդ է տրվում ուտել հատկապես գաստրիտ, ստամոքսի խոց եւ տասներկումատնյա աղիի հետ կապված հիվանդություն ունեցող մարդկանց, ինչպես նաեւ նրանց, ովքեր սակավարյունությամբ են տառապում: Սալորը օրգանիզմի համար հրաշալի պրոֆիլակտիկ միջոց է:
Սալորը նաեւ խորհուրդ է տրվում նրանց, ովքեր փորկապություն ունեն: Փորկապությունը շատ արագ թուլացնում է: Դրա համար նման խնդիրների դեպքում օրական (առավոտյան` սոված ստամոքսին եւ օրվա ընթացքում` չխառնելով այլ սննդի հետ) պետք է ուտել 10-12 սալոր: Թարմ սալորի քամած հյութը կարգավորում է ստամոքսի թթվայնությունը: Սալորը օրգանիզմից հեռացնում է ավելորդ հեղուկը եւ վերացնում այտուցները: Սալորի մեջ ֆրուկտոզաներ եւ սախարոզաներ (բուսաշաքար) են պարունակվում:
Աղբյուրն՝ այստեղ
Վիկտորիա Միկաիլ 
One thought on “Սալոր “Դեզագործ աշուն” նախագիծ”